واصل عملك دوماااااااااااااا

واصل عملك دومااااااااااااااااااااااااااااااااا

Tuesday, January 17, 2012

تكملة الحوار مع خالد النقاش



خالد:انا خلصت دورى...يلى بقى انت اللى عليك الدور..انا شايفك ماسك كتاب!!!!هوه الكتاب ده بتاع ايه؟؟؟
انا جيت: ده كتاب عن المنظفات والصابون وكده...بص هقولك حته حلوه اوى ليها علاقة بالمنظفات وليها كمان علاقة بالنقاشة...انت زى ما بتستخدم الصبغات عشان تبهر الناس بالالوان اللى بتحطها على الحيطة..انا برده بستخدم الصبغات عشان اوهم الناس ان هدومهم ناصعة البياض..وده اللى بتعمله( الزهرة)اللى بتستخدم فى الملابس البيضاء
خالد:!!!!!!!!!!!!!!!!!!!!!!نعم ازاى..؟؟؟؟؟؟انا عايز افهم دوت
انا جيت:انا هشرحلك...واوعدك انك مش هتنام الا لما تفهم ان شاء الله ايه اللى بيحصل بالظبط..بس واحد واحده
انت تعرف اه هيه الالوان الاساسية فى الدهانات؟؟؟؟؟
خالد: اه عارفهم...الازرق-الاحمر-الاصفر
انا جيت:طيب ..انت تعرف ازاى بنحصل على الالوان الثانوية من الالوان الاساسية؟؟؟
خالد: الصراحة لا...بس الاسطى عادل أذيَّــة لما كان بيعلمنى الصنعة..عرفت منه بعض التخليطات..والصراحة انا بقعد اجرب كده لحد ما يطلع معايا لون حلو وارزعه على الحيطه وخلاص
انا جيت:بص كده للصورة ديت

كل لون من الالوان الاساسية لو خلطناه مع لون تانى..هيطلعلى لون فرعى
بس خلى بالك..الالوان الاساسية فى الدهانات والصبغات غير اللى فى الضوء
الالوان الاساسية فى الضوء هى (الاحمر- الازرق-الاخضر)بص كده للصورة ديت


لو خلطنا الضوء الاحمر مع الضوء الازرق هيدينى الارجوانى.......ولو خلطت الاحمر مع الاخضر هيدينى الضوء الاصفر...ولو خلطت الازرق مع الاخضر هيدينى السيان.....ولو اتخلطوا الثلاثة مع بعض هيدينى الابيض
فيه بقى حاجة اسمها(اللون المكمل)يعنى اه:
اى لونين من الالوان لو خلطناهم مع بعض وادونى اللون الابيض.....يبقى اللونين دول مكملين لبعض
وعشان اسهلهالك فى الحفظ...لو عندى لون اساسى زى الازرق مثلا لو خلطه مع (الاحمر والاخضر) هيدينى اللون الابيض..يبقى مخلوط الاحمر والاخضر هو اللون المكمل للون الازرق...واحنا طبعا عرفنا بقى خلاص ان مخلوط الاحمر والاخضر هو الاصفر..مش كده ولا ايه.....يبقى بقى اللون الاصفر هو المكمل للون الازرق
وهكذا ..هنلاقى ان اللون السيان هو المكمل للون الاحمر
وكذلك الارجوانى هو المكمل للون الاخضر
تمام يا سيدى
خالد: تمام ....وزى العسل اوى
انا جيت: خلى بالك...لما بنشوف مادة لونها ازرق...بيبقى اللون بتاعها هو اللى عكستها..ومقدرتش تمتصه....بمعنى ايه...لو عندمك ضوء ابيض(الاحمر+الازرق+الاخضر)سقط على المادة ديت..فالمادة ديت هتمتص الضوء الاحمر والاخضر(الاصفر)وتعكس الضوء الازرق...وبالتالى نشوفه لونها ازرق..ونقول عليها ديت مادة زرقاء
يبقى المادة الزرقاء هى المادة التى تمتص اللون الاصفر..مش كده ولا ايه
خالد: تمام يـــــــــــــــــــــــا كبيــــــــــــــــر
انا جيت:تعالى بقى نرجع للهدوم البيضة
خالد:وماله...نرجع يا اسطى...بس حاسب لتخبط حد..عههههههههههه
انا جيت: كل ما الهدوم بتقدم كل ما لونها بيصفر ويبقى باهت.....فنقوم عاملين ايه...نحط عليها اثناء الغسيل (الزهرة)وهيه عبارة عن بودر مش بيذوب فى الماء..البودر دوت عشان حجمة البارتيكل بتاعته صغير فهو بيحصله انحباس بين الفيبر بتاع الهدوم..وبعد ما الهدوم تنشف وتتوسخ وتيجى تتغسل تانىبــ(الزهرة) بيحصل احلال لجزيئات الزهرة القديمة بجزيئات جديدة..وهكذا.وظيفة (الزهرة)بقى ان هيه لونها ازرق...والمادة اللى لونها ازرق زى ما قلنا هى المادة التى تمتص اللون الاصفر....يبقى اى ضوء اصفر هيطلع من البقع اللى على الهدوم او من الهدوم البيضة نفسها عشان قدمت...هيحصله اه؟؟؟
خالد:هيقوم جزيئات (الزهرة) اللى محبوسه بين الفيبر بتاع الهدوم تمتصه
انا جيت: وبالتالى الهدوم تظهر ناصعة البياض امام الناس...والناس فاكرة ان البقعة تم ازالتها..لكن فى الحقيقة هيه موجوده...بس مش شايفاها......شوفت بقى

Print This Post

No comments:

Post a Comment

Follow by Email

My Blog List