واصل عملك دوماااااااااااااا

واصل عملك دومااااااااااااااااااااااااااااااااا

Thursday, March 1, 2012

كنا فى مركز سوزان مبارك...الجزء الثالث

(كنا فى مركز سوزان مبارك___قسم العلوم)...(الحلقة الثالثة)
#المخرجة:
الحلقة الثالثة
3.............2............1..........action
#هارلان: ال ionosphere عبارة عن اربع طبقات D, E, F1, F2
@بتاع علوم: العب
#هارلان: D layer هى اوطى طبقة من طبقات ال ionosphere وديت بتمتد من ارتفاع 60 الى 90 كيلومتر ...وبتبقى موجودة بالنهار فى وجود اشعة الشمس بس...لكن بالليل بتختفى.
@بتاع علوم: ودوت ليه بقى؟؟؟؟؟
#هارلان: لانها على ارتفاع واطى..وده معناه ان كثافة الهواء اللى موجود فى الطبقة ديت كبيره...وبالتالى الايونات والالكترونات اللى هتتكون نتيجة عملية ال ionization هترجع تتحد مع بعضها تانى بشكل الى حد ما سريع بالمقارنة بالطبقات اللى اعلى منها
وده معناه ان اول ما الشمس تغيب ساعة المغربية ..فان محتوى الطبقة ديت للالكترونات هيقل خالص وبالتالى طبقة ال D مش هتبقى
موجودة
@بتاع علوم:وال E layer ؟؟؟؟
#هارلان:بعد ال D ..وهى على ارتفاع من 100-125 كيلومتر..وهيختفى فيها ال ionization بالليل برده بسبب اتحاد الايونات الموجبة بالالكترونات..ولكن مش بنفس الاختفاء بتاع الطبقة D ..لان الكثافة فى ال E اقل من ال D وبالتالى هيبقى الاتحاد فى ال E هيبقى اقل
@بتاع علوم: وال F layer ؟؟؟؟
#هارلان: الطبقة ديت مهمة بالنسبة لاتصالات المسافات الطويلة HF (high frequencies ...واثناء النهار الطبقة ديت بتنشطر الى طبقتين منفصلتين ...اللى تحت بنسميها ال F1 ..واللى فوقيها بنسميها ال F2 ..وبالليل ال F1 ,F2 بينغمسوا فى بعض ليعطوا طبقة واحدة وهى ال F
@بتاع علوم: وطبعا فى طبقة ال F مستوى التأين بيقل برده بالليل بس مش بنفس المستوى اللى فى D ,E ..عشان الكثافة فى ال F منخفضة خالص
#هارلان:صح كده...بس بقولك ..هيه الست اللى بتقول cut دهيت راحت فين...ساكتة يعنى انهارده
@بتاع علوم: يا عم فكك منها ..دى ولية تعبانة..بدات الحلقة وراحت عمالة تاكل ساندوتش لحمة من بتوع (مؤمن)..اهى مريحانة شوية...يلا انجز قبل ما تيجى تصدعنا ب cut بتاعتها
#هارلان: الموجات القصيرة اللى بنقول عليها ال HF تقدر تسافر مسافات طويلة جداا حول العالم...وحتى الموجات المتوسطة ال MF تقدر تسمعها على مسافات طويلة ..خاصة بالليل
@بتاع علوم: انا اعرف ان ال signals بتتاثر بحاجتين ..بالارض ..وكمان بطبقة ال ionosphere ...وان الاشارات اللى فى MF ..وال HF ..بتسافر بطريقتين رئيسيتين
الاولى اسمها ال ground wave ....والثانية اسمها sky wave....ممكن بقى تقولى ايه هيه ال ground wave ؟؟؟؟
#هارلان: فى ground wave propagation بنستخدم بشكل رئيسى MF بس....و المسافة اللى بتوصلها حوالى مئات الكيلومترات ...لكن كل ما التردد بتاع الموجة بيزيد كل ما ال ground wave propagation يبقى غير فعال.وتقل المسافة اللى ممكن توصلها الموجة لحد ما توصل الى بضعة كيلومترات...عشان كده بنستخدم ال MF بس يعنى حوالى من 2 الى 3 MHZ ....وال signals
بتميل ان هى تتبع الانحناء بتاع الارض زى الشكل دوت كده

وده لان التيار اللى فى الموجة بيستحث بواسطة سطح الارض ..وده بيخلى الموجات اللى قريبة من الارض تبقى ابطأ من اللى ابعد من الارض
@بتاع علوم: طيب وال sky wave ؟؟؟؟؟
#هارلان: ديت بقى ال signals اللى هتغادر سطح الارض وتنتقل نحو ال ionosphere ...واللى البعض منها هيرتد تانى للارض
@بتاع علوم: قولى بقى ال sky wave ديت بقى هتسافر ازاى وبالتفصيل
#هارلان: بوستك اتملى....نكمل ان شاء الله مرة تانية
@بتاع علوم: طيب مين اللى هيقول cut ....يا جدعان ده مسلسل محترم...حد يجيب الولية اللى بتقول cut ديت...
#هارلان: خلاص هقولك انا...
Print This Post

No comments:

Post a Comment

Follow by Email

My Blog List