واصل عملك دوماااااااااااااا

واصل عملك دومااااااااااااااااااااااااااااااااا

Friday, February 17, 2012

غاز الهيدروجين

(تكملة الحوار مع الاسطى مصطفى )...(الجزء الاخير)
#الاسطى: ده عمك (عبدالله السباك)...وده (مدحت)بتاع علوم زيك
@بتاع علوم: ودول كانوا سامعين كل اللى احنا بنقوله !!!!!!!!!!!
#الاسطى: الظاهر كده...ثم مالك مرتبك ليه..ووشك ضرب الوان...انت كنت بتشتغلنى ولا ايه...مش انت متأكد من معلوماتك اللى بتقولها ولا ؟؟؟؟؟اوعى ياض تكون....هطلع (تييييييييت)امك
@بتاع علوم: انا غلطان ليه يا عم عبدالله؟؟؟؟؟
#عم عبدالله: انا لو جبتلك البت (بطه) هتقولك انت غلطان ليه
@بتاع علوم: (بطه) !!!!!!!!!!!!! ..مين بطة ديت
#عم عبدالله: (بطه) بنتى فى ثانية اعدادى
@بتاع علوم: انا مش غلطان
#عم عبدالله: انت قلت ان النحاس والفضة بيذوبوا فى حمض النيتريك...صح ولا لا
@بتاع علوم: صح وستين صح كمان
#عم عبدالله: الهيدروجين بيسبق النحاس والفضة فى السلسلة الكهروكيميائية...ازاى عنصر اقل نشاط يطرد عنصر اعلى منه فى النشاط الكيميائى.....ازاى النحاس يطرد الهيدروجين من HNO3 ويكون Cu(NO3)2 ...انت ياض درسولك فى انهى جامعة .!!!!!
@بتاع علوم: ههههههههه...روح العب انت وبطه بعيييييد...اللى انت بتقول عليه ده بيحصل فى HCl و H2SO4 ....لكن مع حمض النيتريك بيحصل exemption ...لان حمض النيتريك مش بيتفاعل مع Cu , Ag ..على انه حمض...وانما بيتفاعل معاه على انه oxidizing agent ..
وانت يا مدحت بيه...يا بتاع علوم انت التانى...قولى انا غلطان ليه؟؟؟؟؟؟
#مدحت: هقولك ليه...انت نسيت تقوله فى حالة فصل الفضة عن الذهب لازم يعمل تهوية جيدة للهواء حوالين البيكر....لان تفاعل الفضة مع حمض النيتريك بينتج عنه تصاعد كميات كبيرة من غاز الهيدروجين...وده هيعمل فرقعة لما يتصاعد ويختلط بالهواء...عشان كده لازم يبقى التفاعل فى مكان جيد التهوية لتجنب الفرقعة
@بتاع علوم: تمام....اه....معاك حق...انا نسيت فعلا..غاز الهيدروجين flammable ...واول ما هيشم الهوا هيكون explosive mixture معاه لو كان تركيزه من 4% - 74% من الهواء المحيط بيه
وال explosive mixture بينفجر تلقائيا بواسطة اى شرارة او حرارة او حتى ضوء الشمس....عشان كده التهوية مطلوبة عشان تقلل نسبة وجوده فى الهواء المحيط بيه وبالتالى مش يكون ال explosive mixture دهوت
#مدحت: كلامك صح...وكمان درجة الحراة اللى عندها الهيدروجين بيحترق تلقائيا هى 500 درجة سيلزيوس ...والمشكلة ان الهيدروجين لما بيحترق مش بيصدر visible waves زى اى وقود عادى....لا ده بيصدر ال uv ...وديت invisible waves ...يعنى مش هتشوف النار اللى ناتجه ...يعنى ممكن حد يبقى بيتحرق قدامك وبيصرخ ...وانت مش عارف ايه اللى بيحصله
@بتاع علوم: فعلا صح ...ده حصل قبل كده فى عربيات السباق...كانت العربية الوقود بتاعها هيدروجين...وحصل تسريب والاحتكاك بتاع العجل فى الارض ولد حرارة خلت الهيدروجين اللى اتسرب يحترق..فحرق الراجل اللى كان بيسوق...والراجل نزل من العربية عمال يصرخ..ومحدش عارف ايه اللى بيحصله...والكاميرات جايباه...لحد ما واحد من المسعفين فهم..وراح مطفيه
عشان كده دلوقتى بيحطوا مع غاز الهيدروجين مواد عضويه ليها ريحة نفاذة ..عشان لما يحصل تسريب للغاز...يعرفوه بالريحة اللى هتتسرب معاه
بس مش تقلق يا اسطى مصطغى...حريق الهيدروجين سهل انك تطفيه بسرعة ان شاء الله
#الاسطى: عليا الطلاق بالثلاثة منش عامل حاجة..مالها تجارة الخرده..انا راضى بحالى والحمد لله...فرقعة وحريق!!!!!!!!!!!!!!!!!
@بتاع علوم: ونسبتى يا اسطى...انا ماليش دعوة
#الاسطى: يا عم بلا نسبتك بلا بطيخ....هوه انا كنت طهيت ايه عشان اكله...هوه انا اعيش العمر دوت كله..وييجى عيل سيس زيك يموتنى محروق
@بتاع علوم:ديت خيانة يا اسطى...احنا متفقناش على كده....عاوز فلوسى....ودينى لقول لابلتى ام تيسير
#الاسطى:ابلتك ام تيسير طالق...يلى بقى...ورينى هتعمل ايه...اعلى ما فى خيلك اركبه

لو استفدت حاجة بجد..مش تعلق ولا تعمل لايك..انا عايزك تدعيلى بظهر الغيب
Print This Post

No comments:

Post a Comment

Follow by Email

My Blog List