واصل عملك دوماااااااااااااا

واصل عملك دومااااااااااااااااااااااااااااااااا

Wednesday, February 1, 2012

تحليل الميه اللى نازلة من الحنفية

#احمد شعيشع:انا دبلومة الدراسات العليا فى الميكرو..وحاليا فى الماستر...واعمل فى شركة مياه الشرب بالقاهرة الكبرى..واخصائى تحاليل طبية سابقا..ولا زلت بعض الوقت
@انا جيت:انت فى شركة المية متخصص فى التحاليل اللى متعلقة بال bio بس ولا كل التحاليل زى مثلا العسر والمعادن الثقيلة وكده
#احمد:كله يا حبيبى
@انا جيت: يعنى معنى كلامك انك اخدت كورس معالجة ميه قبل ما تشتغل فى الشركة؟؟
#احمد: ايوه بتتعلمه فى الشغل
@انا جيت: انت لو جتك عينة ميه بتعمل فيها ايه...خطوة بخطوة بعد اذنك
#احمد: عينة المية مش بتجيلى ...انا اللى بروح اجيبها..وكل تحليل وليه طريقة لرفع العينة...يعنى مثلا تحاليل الميكرو اللى انا متخصص فيها..لازم اتأكد ان العينة مش ملوثة وبعد كده باخدها فى ice box الى المعمل
@انا جيت:بتتأكد ازاى ان هيه مش ملوثة؟؟؟
#احمد:بعقم المصدر وهو الحنفية باللهب..بولع حواليها..وبعد كده بقيس الكلورة والعكارة..بشوف الكلور المتبقى فى المية فى الحدود المسموح بيها ولا لا
@انا جيت: هوه جهاز قياس الكلور ده الكترونى؟؟
#احمد:فيه كده وفيه كده....وممكن اقيسه بال DPD...وده اختصار للمركب
diethyl-p-phenylene diamine ..ويتم تحضير المحلول المستخدم فى المعايرة كالاتى:
1.1جرام دى بى دى

0.2 جرام ايديتا

8 ملى سلفورك اسد 1:3

@اناجيت:طيب المعايرة بتم ازاى؟؟؟؟؟
#احمد:يتم وضع 5 نقط من المحلول مع 5 ملم من الماء...لو فيه كلور متبقى بيظهر لون وردى..وبتزداد درجة اللون بزيادة نسبة الكلور المتبقى...وبعد كده بقيس درجة اللون على جهاز المقارنة اللونية...وبكده ابقى عرفت نسبة الكلور المتبقى فى الماء
@انا جيت:طيب المفروض نسبة الكلور المتبقية ما تزيدش عن كام ppm ..والا يبقى كده خطر
#احمد:3 ppm
@انا جيت:ممكن اسالك سؤال محيرنى....هو ليه ساعات الميه بتبقى نازلة من الحنفية عامله زى الصابون..هل ده معناه ان نسبة الكلور المتبقى عالية؟؟؟؟؟؟؟او العكارة عالية؟؟
#احمد:لالالالالالالالالالالالالالالا.....خالص...ده بيبقى هواء مع المية بسبب ضخ المواتير وعدم وجود كميه كافيه من الماء..فبيحصل خلط للماء مع الهواء....وممكن كمان تتاكد من كلامى ...لو انت سيبت المية دقيقة واحدة فى كوب ماء...هتلاقى اللون الابيض اللى انت شايفه ده اختفى
@انا جيت:انا هقوم اجرب دوت عشان اتأكد........ايه ده!!!!!!!فعلا كلامك صح...البياض دوت اختفى وكانه طار من الكوبايه للهوا.....يعنى معنى كده انه غاز...يبقى فعلا كلامك صح يا استاذ احمد
#احمد: شوفت بقى
@انا جيت: طيب ازاى اعرف الميه فيها نسبة كلور عالى ولا لا؟؟؟؟؟
#احمد: بالريحة...هتلاقى ريحته قريبة من ريحة الكلور بتاع الغسيل كده
@انا جيت:هتقيس بقى العكارة ازاى؟؟؟؟؟؟
#احمد:بجهاز العكارة....ودوت فكرة عمله بتعتمد على الاشعة المنعكسة...من الضوء اللى هيخرج من اللمبة
@انا جيت:لانه هيحصل تشتت للاشعة تبعا لحجم الجزيئات العالقة
#احمد:تمام كده..وبعد كده اخد العينة المعمل..وبكمل باقى التحاليل..خاصة لو فيه شكوى..او لو نتيجة الكلورة والعكارة غير مطابقة للمواصفات
@انا جيت:هتعمل ايه بقى فى المعمل اول ما توصل؟؟؟؟
#احمد:هعمل مجموعة من التحاليل منها العسر والقلوية والحديد والمنجنيز والفوسفات
@انا جيت:طبعا هتقيسوا العسر والمعادن الثقيلة بال atomic
#احمد:جهاز ال atomic مش موجود الا فى المعمل المركزى اللى فى شارع الريحانى...لكن المعامل بتاعتنا لسى بنشتغل بالايدتا.....انت تعرف اصلا فايدة التعرف على العسر ايه وايه اضرارة؟؟؟
@انا جيت:هعرف نسبة املاح الكالسيوم والماغنسيوم...واللى لو زادت عن حد معين مش هتخلى الصابون يرغى...وهتجيب حصاوى فى الكلى
#احمد:هوه ايه المشكلة ان الصابون مش يرغى؟؟؟؟
@انا جيت:مش هينظف..ويقرفك..وممكن الصابونة تخلص منك ولسى ما رغتش...تضييع للوقت والمال.....الكالسيوم والماغنسيوم بيكونوا املاح غير ذائبة مع الاحماض الاليفاتية...وانت عارف ان الصابون هو ملح صوديومى لحمض اليفاتى..بس الفرق ان ملح الصوديوم(اللى هو الصابون)بيذوب فى الماء وبالتالى tail بتاع الحمض الاليفاتى هيتربط بالقاذورات اللى على ايديك...والجزء القطبى اللى هوه لو كان صوديومى هيرتبط بالماء ويجرى مع المية ...ويبقى كده شلت القاذورات من على ايديك ..لكن فى حالة الكالسيوم مش بتذوب فى الماء..وبالتالى القاذورات هتنيها عالقة على الصابونة وعلى ايديك وهيطلع عينك...وده طبعا لما تكون املاح الكالسيوم والماغنسيوم اعلى من ppm500 ......بس اهم حاجة طبعا الحصاوى الكلوية....سيبك انت من موضوع الصابون
#احمد:احنا بنعمل اكثر من 23 تحليل للمياه....انا مش حافظهم....انا عارف تخصصى بس...عينات الميكروبيولوجى ترفع بعد قياس الكلور والعكارة فى الموقع..ويتم كتابة تاريخ ومكان والقائم برفع العينة...ويقوم بتعقيم المكان...ويتم فتح مصدر المياه لمدة 3-5 دقائق فى الخلاء
بعدها يتم رفع العينة مع مراعاة عدم التلامس بين فوهة الزجاجة مع مخرج المياه
وتحتوى الرجاجة على 1 ملى صوديم ثيوسلفيت 0.01..للتخلص من الكلور المتبقى بالماء
ويترك الربع او الثلث العلوى للزجاجة فارغا
ويتم غلق الزجاجة باحكام مع مراعاه عدم وجود فقاعات هوائية
يتم وضع العينة فى ايس بوكس
وترسل الى المعمل فى اسرع وقت ممكن
يتم استخدام العينة فى التحاليل البيولوجية والبكتريولوجية..التعرف على عدد البكتريا
والتعرف على العد الطحلبى وفحص الباراسيتولوجى....للتعرف على تواجد الديدان من عدمة او اى طور من الاطوار الموجودة فى الماء
وهنا يجب ان ننبه على ان الطور الموجود بالمياه مختلف عن الطور الموجود فى عينات البول والبراز
....كفاية كده....نكمل وقت تانى عشان ايدى وجعتنى
@انا جيت:براحتك يا استاذ احمد...انا مستنيك..فى اى وقت تكون جاهز الشات موجود
Print This Post

No comments:

Post a Comment

Follow by Email

My Blog List