(كنا فى مركز سوزان مبارك_قسم العلوم)...(الحلقة الخامسة)
#المخرجة:
الحلقة الخامسة
3...............2...........1............action
#كلارنسن ميلز: اتولدت فى ميامى..وحصلت على الدكتوراه فى 1920..والفت كام كتاب كده عن الجو والطب من اهمهم "المناخ يصنع الانسان" وده كان سنة 1942....وطبعا مت وجيت فى الحفرة ديت..نايم فيها
@بتاع علوم: مهو انا عارف...المهم..انت قلت فى كتبك ان سكان المناطق الحارة شعوب مظلومة وكده..وحظهم وحش...
#كلارنسن:ايوه انا قلت كده
@بتاع علوم: بس ربنا مش بيظلم حد خالص.... وعلى اد ما بياخد منك على اد ما بيديك....لكن ليه انت قلت كده؟؟؟؟
#كلارنسن: انت طبعا يا ابنى عارف ان احنا عايشين وبنشتغل بالطاقة اللى بنحصل عليها من حرق الطعام فى الانسجة بتاعتنا...لكن المفروض ان احنا نعرف ان احتراق الطعام بيتأثر كتييير اوى بالمناخ اللى بنعيش فيه فالمناخ يصنع الانسان
@بتاع علوم: يعنى انت تقصد ان كفاءة احتراق الطعام فى اجسامنا لانتاج الطاقة اللازمة لبذل الشغل بتتوقف على الجو والمناخ...ازاى!!!!!
#كلارنسن: اجسامنا عاملة زى المحركات اللى بتشتغل بالبنزين....وكمان اجسامنا منخفضة الكفاءة فى عملية الاحتراق تماما زى المحركات بالظبط...لان احنا بنضيع ثلاثة ارباع طاقة الوقود عشان نقدر نستفيد من الربع الاخير..زى اللى بيحصل فى المحركات بالظبط......وتظهر الثلاثة ارباع المهدرة كحرارة متخلفة يجب التخلص منها ...ومن هنا جاءت الحاجة الى عملية تبريد قوية داخلنا تماما كعملية تبريد محرك السيارة
فاذا زاد الحمل على جهاز التبريد اما نتيجة لاحتراق الوقود بسرعة اكثر من اللازم , او نتيجة لارتفاع درجة الحرارة الخارجية...فان اجسامنا ومحرك السيارة تصاب بالحمى وتتعطل عن العمل
@بتاع علوم: هوه جهاز التبريد بتاعنا عبارة عن ايه؟؟؟؟
#كلارنسن: عندنا تبريد بالهواء وتبريد بالماء...وفى الشتا يكفى التبريد بالهواء ما لم نزاول اعمالا او العابا شاقة
اما مع حرارة الصيف الخارجية المرتفعة..فتفرز غددنا العرقية الماء على سطح الجلد فيؤدى تبخره الى اسراع فقداننا للحرارة كثيرااا
لكن خلى بالك ..الجهاز المزدوج(الهواء والماء) للتبريد دهوت يعمل بكفاية خلال فترات قصيرة فقط.....اما لو استمرت الحرارة الخارجية مرتفعة اسبوعين او اكثر فان سرعة احتراق الطعام تبطئ الى درجة بحيث تقل الحرارة المطلوب تبريدها
@بتاع علوم: طيب لو جسمنا مقدرش يقلل سرعة الاحتراق الداخلى للطعام..ايه اللى ممكن يحصل؟؟؟
#كلارنسن: جسمك هيسخن وتجيلك سخونية وتسلم نمر وتيجى تقعد معايا فى الحفرة ديت
@بتاع علوم: يعنى انت عاوز تقولى ان فى البلاد الحارة بتقل سرعة احتراق الطعام داخل اجسامنا اوتوماتيكيا عشان ما نموتش
#كلارنسن: عليك نور.....وبالتالى الطاقة اللى هتنتج هتكون قليلة ..وبالتالى تبقى وخمان وكسلان ومش قادر تشتغل ومترنخ
@بتاع علوم: لكن طبعا عندكم فى امريكا او البلاد الباردة ..سرعة الاحتراق بتزيد وبالتالى الطاقة الناتجة تزيد..وبكده يبقى عندكم نشاط وحيوية وقدرة على الشغل لفترات طويلة
#كلارنسن: شوفت بقى انتو مظلومين ولا لا...وخلى بالك ..مش كده وبس...ده كمان صعوبة التخلص من الحرارة الزائدة بتؤدى الى ابطاء سرعة النمو وتعطله..وبتقلل كمان درجة الخصوبة وكمان بتقلل المقدرة على مقاومة العدى..ويقل كمان قدرتك على التفكير الذهنى والابداعى
@بتاع علوم: بس برده مفيش حد مظلوم...فالله سبحانه هو العدل ذاته....طيب انت تعرف ان النشاط الزائد عندكم فى المناطق المعتدلة او الباردة بيخليكوا تقللوا فترات الراحة ودوت يزود امراض الانهيار..وهيه الاسباب الرئيسية للوفاه عندكم..وده بيتعلق بوجه خاص بالقلب والاوعية الدموية لان عليها مباشرة عبء نقل الطعام والاكسجين لانسجة الجسم وازالة المخلفات والحرارة الزائدة...ده هبوط القلب من المشاكل الرئيسة عندكم
اما بقى احنا عندنا فى المناطق الحارة لا يفنى الناس او ينهارون وانما يموتون غالبا من الامراض المعدية او الطفيلية..روح افريقيا وشوف
#المخرجة: cuuuuuuuuuuuuuuuut...هوه الكلام ده عندك فى الورق...ليه بتخرج عن النص!!!!!!!!...ارحمنى بقى ..ده انت حد بارد
@انا جيت: انا لازم اثبتله وجهة نظرى ...هوه انا فى المسلسل دوت كومبارس ولا ايه...ده انا البطل...
#المخرجة: ابقى اثبتله وجهة نظرك دهيت بعدين ..بعد البروفا ما تخلص
@انا جيت: بس انا نسيت حاجة مهمة خالص ...vitamins B
#المخرجة: بس البوست اتملى ..خليه صاحى..ونكمل معه مرة تانية
Print This Post
No comments:
Post a Comment