#عم سليمان السباك: مش تباركولى يا جماعة ..مش انا امبارح صبَّيت ثلاث عواميد فى البيت
#عم هشام النقاش: الف مبروك يا سيدى
#عم سليمان: المشكلة الراجل اللى صب قالى ما تنساش انهارده الصبح ترش ميه على الصبة ...وانا بينى وبينك نفضت له....قال ايه عاوزنى ارش ميه....ازاى ده...ده كده الخشب اللى حوالين العمود هيشرب الميه وهيتمدد ومش هنعرف نشيله.....ثم تعالى هنا..هوه الخرسانة اصلا بتشرب الميه....ايه لازمة الميه بقى؟؟؟؟؟؟
#عم هشام النقاش: لا يا عم....مهم جدا انك ترش ميه على الصبة....والا هتشقق منك بعد كده ..ولا قدر الله البيت يقع....حتى اسأل الواد بتاع علوم اللى هناك ده______تعالى ياض
#انا جيت: رش الصبة مهم جدا لمدة اسبوع مرتين يوميا....خاصة بعد المغربية كده...او قبل الفجر....وطبعا الميه اللى احنا بنرشها ديت مش مهمتها ان هيه تخترق الاسمنت...ولكن مهمتها ان هيه تحافط على الميه اللى فى المونة من انها تتبخر..وبكده تضمن حدوث hydration لكل مكونات الاسمنت...لان النسبة الزيادة من CaO لو متعملهاش hydration واتحولت الى Ca(OH)2 ...هتيجى بعد ما الصبة تنشف خالص بعد شهر ولا حاجة وتمتص CO2 من الجو وتتحول الى CaCO3 وطبعا كربونات الكالسيوم حجمها كبير وبالتالى هتحاول تزيح الجزيئات اللى جنبها ..وده هيؤدى الى تشقق الاسمنت وانهياره
Print This Post
No comments:
Post a Comment