واصل عملك دوماااااااااااااا

واصل عملك دومااااااااااااااااااااااااااااااااا

Wednesday, May 23, 2012

كنا فى مركز سوزان مبارك...الجزء السابع

كنا فى مركز سوزان مبارك....قسم العلوم)...الحلقة السابعة) 
باول سيبل: اتخرجت من الجامعة 1932 , وحصلت على الدكتوراه فى 1939...اما بقى فى 1941 اخترتنى وزارة الدفاع كخبير مدنى لملابس ومعدات المناطق الباردة 
بتاع علوم: انا عارف انهم اختاروك من بين 600000 مستكشف امريكى عشان تروح حملة "بيرد" القطبية سنة 1928-1929 
باول سيبل: متحرجنيش بقى ...عشان انا بتكسف
 بتاع علوم: قولى بقى يا استاذ اى حاجة من الحاجات بتاعتك الجامدة ...فاجئنى ..اعملى surprise
باول سيبل: مش بالضرورة ان ارتداء الملابس البيضاء يكون انسب وافضل من الملابس القاتمة فى الأجواء شديدة الحرارة ..زى الصحرا مثلا 
بتاع علوم: !!!!!!!!!!!!!!!.........اى عيل فى ابتدائى هيقولك ازاى ...دى الملابس البيضة بتعكس اشعة الشمس الساقطة عليها...ليه ده بقى ان شاء الله؟؟؟...انت كده هتلخبطلى مخى 
باول سيبل: انت ليه ماسألتش نفسك...ليه بشرة الجلد بتاعة سكان افريقيا سوداء قاتمة ..وكمان شعرهم كمان...مع ان المفروض من باب التكيف مع البيئة المحيطة بيهم لازم تكون بشرتهم فاتحة وبيضاء عشان تعكس اشعة الشمس الساقطة على اجسامهم 
بتاع علوم: ايوه صح ...ليه فعلا؟؟؟؟ 
باول سيبل: طريقة الجسم الطبيعية فى الاقلال من فاعلية الاشعاعات الشمسية الشديدة هى ان يقتم لون الجلد...والمعروف ان الالوان القاتمة تمتص الحرارة ..وبهذا يمتص الجلد القاتم الحرارة ويمنع تسربها الى الانسجة الحساسة الموجودة تحته 
بتاع علوم: يعنى الجلد الاسود او الملابس القاتمة عاملة زى المصيدة بتصيد الحرارة عند السطح وتمنع دخولها خلال الجلد الشفاف كى لاتصيب انسجة الجسم الحساسة الداخلية 
باول سيبل: وبالتالى يساعد العرق الذى يتكون على سطح الجلد على التخلص من الحرارة الزائدة بالتبخير ...فعندما يتبخر العرق من الجسم ...يستطيع العرق امتصاص كمية من الحرارة تعادل الف مرة تقريبا الكمية اللازمة لرفع نفس الكمية من الماء درجة واحدة سيليزيوس.................كمان يا سيدى لو كان شعرك اسود..ووقفت فى الشمس تلاقيه بقى سخن ..وده بسبب الحرارة اللى امتصها شعرك واللى حمت جلد راسك 
بتاع علوم: وكلما زادت حرارة السطح ..اصبح من السهل اعادة اشعاعها مرة اخرى الى الاجسام الأبرد 
باول سيبل: انت عربى ؟؟؟؟؟؟؟؟؟؟؟؟ 
بتاع علوم: ايوه...وبلا فخر......هههههههههه...بس انت بتسأل ليه؟؟؟ 
باول سيبل: انا مستغرب ازاى انت عربى ...ومتعرفش ان اجدادك العرب فى صحارى الشرق الاوسط برعوا فى ارتداء ملابس تحميهم من الحر والشمس وهى مريحة ومواتية للغاية ...وكانت هذه الملابس عبارة عن جلباب سميك قاتم يعزل الجسم من حرارة الشمس والهواء دون ان يترك اى جزء من الجسم معرضا تقريبا ...وهذا الكساء مسامى لدرجة تكفى لعدم عرقلة تباخر العرق , كما ان ذبذبة الجلباب عندما يتحرك الانسان تولد حركات كافية  للهواء تسرع تبخر الماء عندما يكون الجلد مبتلا بالعرق 
بتاع علوم: الله عليك..ديما حاجاتك جامدة...طبعا انت اديتنى معلومة عن الحر...عاوز بقى منك واحدة كمان عن البرد....انا لسى ما اشبعتش منك...يلا يا استاذ 
باول سيبل:  فى الشتا ..الناس فاكرة ان الحل لما تلاقى ايديك او رجليك بردانين..انك لازم تلبس جوانتى او شراب ....وده مش صح...عادى خالص ممكن ماتلبسش حاجة على الاطلاق....وكمان بيغلطوا تانى لما يلاقوا راسهم دافية ومش محتاجة للتدفئة فيقوموا قالعين الطقية او غطاء الراس 
بتاع علوم: يعنى العكس..طب ليه دوت؟؟؟؟ 
باول سيبل: عندما يواجه الجسم ضغط البرودة , فانه يقلل الدورة الدموية فى الاطراف..ليمنع فقدان الحرارة من الجذع...وبهذا يقل الدم المرسل الى الاطراف ..وبالتالى تقل الحرارة المرسلة اليها....فلا يكون لمحاولة عزلها بالملابس اية فائدة...لان العزل يعنى منع فقد الحرارة الى الوسط الخارجى...واصلا ليس فى الاطراف دم ..ليس فى الاطراف حرارة حتى يتم عزلها...فما الداعى اذا للبس الجوانتى او الشراب 
بتاع علوم: طب والحل ساعتها ايه؟؟؟؟ 
باول سيبل: لا بد من تدفئة الاطراف نفسها من الدخل ..وذلك بمارسة الرياضة فى اليدين والرجلين...حيث يستدعى ذلك ارسال كمية اضافية من الدم(الحرارة)الى الاطراف..ومن ثم تدفئ الاطراف  
بتاع علوم: طب ليه لازم مخلعش القبعة من على راسى حتى لو حاسس بالدفى ؟؟ 
باول سيبل: فى اكثر الاحوال يحصل الراس على كمية وافية من الدم تكفى لتدفئته...وبالتالى يفقد الرأس الدافئ المكشوف كمية من الحرارة اكبر كثيرا مما تفقده الايدى او الاقدام الباردة المكشوفة فى الجو البارد.....وعندى مثل بقوله على طول "اذا خلعت قبعتك فان قدميك تبردان"
المخرجة : cut
انا جيت :ايه رأيك يا استاذة ؟؟؟؟؟؟؟؟ 

المخرجة: مش مهم رايي..المهم راي الجمهور  
انا جيت: قولتيلى بقى...بس اللى احنا فيه ده عامل زى ماتش بدون جمهور....سيبك انتى ..المهم هنصحى ان شاء الله مين المرة الجاية ؟؟؟؟ 
المخرجة: باسيل بيبى.
Print This Post

No comments:

Post a Comment

Follow by Email

My Blog List