الالومنيوم واسنانى

#خالد:يلى بقى اتاخرنا...معاد الغدا جه...يلا نلحق المطعم..والا يفوتنا الغدا
@انا جيت: اصبر..بس هجيب المعلقة بتاعتى الاول من الشنطة
#خالد: مهو يا ابنى المطعم فيه معالق هناك
@انا جيت: المعالق اللى هناك الومنيوم..لكن انا باكل بمعالق بلاستيك
#خالد: ايه!!!!!!!!!!!!!!!!!!....ليه ان شاء الله...هوه انت ابوك(احمد عز) ولا حاجة
@انا جيت: المعالق الالومنيوم بتكهربنى فى بؤى
#خالد: !!!!!!!!!!!!!!!!!...ازاى ده ان شاء الله
@انا جيت: بص كده فى بؤى ...شايف ايه اللى موجود فى ضرسى
#خالد: عادى يعنى....الحشو بتاع الضروس
@انا جيت: انت عارف الحشو بتاع السنان ده عبارة عن ايه؟؟؟؟
#خالد: ايوه عارف....ده عبارة عن silver amalgam ...وده معدن الفضة ذايب فى ذئبق...وهما بيذوبوا الفضة فى الذئبق عشان يخلوه مرن كده وقابل للتشكيل
@انا جيت: كلامك تمام....عارف بقى اللعاب اللى فى بؤك...بيعتبر محلول الكتروليتى موصل للتيار الكهربى..وال PH بتاعته حوالى 6.5 -7.2
#خالد: انت قصدك انك لما بتحط المعلقة الالومنيوم فى بؤك مع وجود حشو السنان فى ضرسك..بتكون خليه كهروكيميائية ينتج عنها تيار كهربى
@انا جيت: عليك نور...والتيار الكهربى هو عبارة عن تدفق للالكترونات من القطب السالب للقطب الموجب...مش كده
#خالد: كده
@انا جيت: تدفق الالكترونات دوت بيؤثر على nerves بتاعة السنان...ومن ثم تسبب الاحساس بالالم
#خالد: طيب..بما انك بتاع علوم...ممكن تقولى ازاى الخلية الكهروكيميائية ديت هتتكون
@انا جيت: انت طبعا عارف ان الخلية الكهروكيميائية هى عبارة معدنين مختلفين مغموسين فى محلول الكتروليتى..وان المعدن اللى فيهم اكثر نشاط من التانى بنقول عليه anode وبيحصل عنده عمليه اكسدة(فقد الكترونات)...بينما المعدن الاخر الاقل نشاطا بنقول عليه cathode وبيحصل عنده عملية اختزال (اكتساب للالكترونات التى فقدت من المعدن الاول)...وتدفق الالكترونات من anode لحد ال cathode بتقول عليه التيار الكهربى
#خالد:صح فعلا..اى طالب اعدادى عارف الكلام دوت
@انا جيت: تمام...لما بتحط المعلقة فى بؤك..الالومنيوم بيذوب فى اللعاب..بس طبعا بشكل ضئيل جداا..والعملية ديت بتعتبر عملية اكسدة..ينتج عنها عدة الكترونات..بص حتى
Al(solid) = Al+3 (aq) +3e
وجود ايونات الالومنيوم فى اللعاب Al+3(aq بجوار المعلقة الالومنيوم Al(solid....ده بنسميه "redox couple"
#خالد: بس يا حبيب قلبى اللعاب مش بيحتوى على ايونات فضة يتم اختزالها بواسطة الالكترونات الناتجة من اكسدة الالومنيوم ....هههههههههه....ايونات الفضة هتيجى منين...وبالتالى مش هيبقى فيه "redox couple" ناحية حشو السنان
@انا جيت: حشو السنان بيبقى سطحه الخارجى المعرض للهواء مغطى بطبقة من اكسيد الفضة Ag2O نتيجة ال CORROSION ...وبالتالى فده بيعتبر "REDOX COUPLE" لان ايون الفضة فى Ag2O موجود بجوار معدن الفضة الصلب Ag (S
وبالتالى وجود اثنين "Rredox couple" فى محلول الكتروليتى اللى هوه اللعاب ..بينشا عنه تيار كهربى...حيث يكتسب اكسيد الفضة الالكترونات كما فى المعادلة التالية
Ag2O(s) + 2e = 2Ag(s) + O-2
#خالد: عشان كده..لما الواد الصفير بعد ما بيخلص كيس الشمعدان ..ويلحس الشوكولاته اللى على البطانة بتاعة الكيس ..بيتكهرب فى بؤه..لو كان حاشى سنانة..لان البطانة عبارة عن ALUMINUM FOIL
@انا جيت: نسينا الغدا.....هناكل ازاى دلوقتى ...ضاع الغدا يا جدعااااااان....هنضر ناكل على حسابنا من بره

Print This Post