واصل عملك دوماااااااااااااا

واصل عملك دومااااااااااااااااااااااااااااااااا

Tuesday, January 31, 2012

ساقعة؟؟؟؟ ولا سخنة؟؟؟؟؟

(عم عبدالله السباك وهو بيتشطف جوه الحمام)....وانا واقف بره بتوضى على الحوض

#عم عبدالله:متقفل بقى الميه...انا مش عارف اتشطف...شوية سخنة وشوية بارده...الميه عندك بره بتسحب المية اللى عندى جوه
@انا جيت:يا اسطى اعمل ايه....انا مش عارف اتوضأ بالمية السخنة ولا الباردة...الدنيا برد..وخايف اتوضا بالسخنة....واخرج فى البرد يجيلى انفلونزا..فعمال افتح واقفل ..مترددددددددددددددددد
#عم عبدالله:يا ابنى المية الساقعة بتحمى من البرد..وبتنشط الدورة الدموية..لكن كترتها بتسوس العضم....والسخنة بتفتح المسام بتاع الجسم وتخليك عرضة للجراثيم
@انا جيت:طب استنى يا عم عبد الله كده.....هجيب حاجة واجى
بعد دقيقة.....(طبعا جبت ورق كده)
اسمع يا عم عبدالله
الاستحمام بالميه البارده بينشط الدورة الدموية ويحسن الحالة الذهنية والنفسية....وده لان الميه الباردة اول ما بتلمس الجلد....الشعيرات الدموية اللى قريبة من سطح الجسم بتوسع وبتتمدد
#عم عبدالله:!!!!!بتتمدد.....مش يا ابنى الاجسام بتنكمش بالبرودة برده ولا انا عشان سباك هتستغفلنى
@انا جيت:معرفش بقى...الورق بيقول كده...المهم...لما الشعيرات هتتمدد ..ده هيسحب الدم من داخل الجسم الى خارجه..وبعد وقت معين من التعرض للماء البارد...الشعيرات ديت هترجع تنكمش تانى..ومن ثم الدم يرجع بتدفق تانى من الخارج للداخل..وده هيعمل عملية تطهير خاصة للاجزاء الخارجية للجسم
بس خلى بالك ما تزودش shower بتاعك عن 10 دقايق عشان ما تعملش stress على جسمك
الاستحمام بالمية الساقعة بيقوى جهاز المناعة...وبيحافظ على ان المسام بتاعة الجسم تتنيها مقفولة..وبالتالى جسمك مش هيمتص كتير من المية بما فيها من مواد تنظيفية و chlorine
كمان فى ال shower البارد مفيش steam وبالتالى كمية قليلة جدا من chlorine هتستنشقه الرئة مع ال steam
هتوفر فاتورة الغاز يا اسطى
هيقوى الغشاء المخاطى وبالتالى هيساعد الجسم على مقاومة السخونية والحساسية والبرد والكحة
الاهم بقى انه بيزود الخصوبة عند الرجال...وده لان لما المية الباردة(درجة الحرارة المنخفضة)بتلمس الخصية ..ده بيزود عدد الحيوانات المنوية...لكن الاسراف فى المية الباردة لوقت طويل هيؤدى بالخصوبة لنتائج عكسية ...خلى بالك يا عم عبدالله لا افراط ولا تفريط
خلى بالك بقى من الناس اللى هنعملهم exemption :
اللى عنده مشاكل صحية بلاش ساقعة
المرأة الحائض...لحد الدورة ما تخلص
الحامل من الشهر السابع بلاش
بعد عملية القذف ...لان الجسم بيبقى مركز انه يصنع حيوانات منوية جديدةفى الوقت اللى بعد القذف..والميه الباردة هتعمل stress على الخصية فى الوقت ده
لو خاسس وجسمك رايح منك بلاش ساقعة..عشان اصلا حسمك خربان ومعندكش استعداد تحرق عشان تولد حرارة تقاوم بيها برودة الميه
بعد يوم فيه شغل متعب بدنيا..لحسن يحصل تشنج فى العضلات
الناس بقى اللى عندها حب شباب فى وشها..الافضل ليها ان الاول تغسل بسخنة عشان تفتح المسام ثم بعد كده تنظف بمادة منظفة ثم تغسل بساقعة عشان تقفل المسام تانى وبالتالى تحمى الجسم من القاذورات ان هيه تخش من خلال المسام

اما بقى شرب الماء فالافضل مش ساقعة..لان الساقعةبتصلب الدهون اللى فى الطعام وباتالى تصعب هضمها او طرده...
اللى شايف نفسه عندليب الدقى بلاش يشرب ساقعة..عشان بتعطل الاحبال الصوتية
شرب الساقعة بيخلى الاوعية الدموية اللى حوالين البطن تنكمش..وبالتالى يقلل من كمية الغذاء الممتص
اخر ملحوظة انك دلوقتى بتستحمى بالمية السخنة..لان ال shower الساخن بياخد وقت اطول من البارد..والصراحة انت طولت اوى جوه
#عم عبدالله: نعم ياابنى..انت كنت بتقول حاجة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Print This Post

No comments:

Post a Comment

Follow by Email

My Blog List