واصل عملك دوماااااااااااااا

واصل عملك دومااااااااااااااااااااااااااااااااا

Sunday, February 26, 2012

كنا فى مركز سوزان مبارك.....الجزء الاول

(كنا فى مركز سوزان مبارك___قسم العلوم)...(الحلقة الاولى)

واحنا قاعدين دخلت علينا واحدة مش لابسة..كانت مخرجة فى قناة(تييييت)الفضائية

#المخرجة:بقولك يا استاذ (محمد)...عاوزة احسن اثنين من الجروب بتاعك يمثلوا معايا فى المسلسل بتاعى الجديد
#استاذ محمد(رئيس قسم العلوم):خدى الواد(اناجيت)....وكمان البت (هبة)..معاكى..دوول احسن اثنين عندى
#المخرجة:بس الادوار اللى عندى مفيهاش بنات...
#استاذ محمد: خلاص خدى الواد (مدحت) بدل البت(هبة)
@انا جيت: بقولك يا استاذ محمد ..متقول للولية ديت تلبس ..او تحط حاجة على جسمها...عشان نعرفوا نتعاملوا معاها...انا حاسس انى متلخبط وتركيزى ضايع منى
#استاذ محمد:اختشى ياض....غض بصرك
#المخرجة:طبعا هنعمل بروفا الاول قبل الشغل عشان اعرف انتو هتعرفوا تقوموا بالدور ولا لا....دوت الورق....كل واحد فيكوا ياخد الورق بتاعه.(مدحت) انت هتقوم بدور العالم.والمسلسل 30 حلقة ..كل حلقة هتطلع بدور عالم مختلف عن الثانى.وانت يا (اناجيت) هتقوم بدور التلميذ بتاع علوم اللى فى 2012...والمسلسل بيحكى ان تلميذ دخل مقبرة العلماء..وبيدور على (جابر ابن حيان)...لان عنده رسالة عاوز يوصلهاله...فهيبدأ يصحى عالم عالم..يتعرف عليه..ويعرف هل هوه (جابر ابن حيان) ولا لا.........يلا بينااااااااااااااااااااااااا
@انا جيت:هوه حضرتك هناخد فلوس...ولا هنشتغل لله وللوطن..مش المفروض نمضى عقد وكده
#المخرجة:مش اما نعمل بروفا الاول ونعرف انتو هتعرفوا تمثلوا ولا لا...ثم انت مستعجل على الفلوس كده ليه...انت لسى عملت حاجة....على فكرة يلى انا مش مستريحالك من اول ما شوفتك...اهدى كده واقعد فى حتة ناشفة عشان محطكش فى دماغى
@انا جيت: يعنى لو نجحت فى البروفا..هتدينى الدور..وتمضى معايا عقد
#المخرجة: ان شاء الله
الحلقة الاولى
3_________2____________1_____________action
@بتاع علوم:اصحى يا استاذ..يا استاذ اصحى ...البوست هيتملى على الفاضى ...اصحى بقى
#جون كامبل:عاوز ايه يا ابنى...؟؟؟؟؟؟؟؟؟؟
@بتاع علوم:هوه انت(جابر ابن حيان)؟؟؟؟؟
#جون كامبل: لا يا حبيبى...ثم الثانى كان بلحية...انا من غير لحية....هيه ناقصة ارف...صحتنى من احلى نومة
@بتاع علوم: امال انت مين.؟؟؟؟؟
#جون كامبل:يعنى انت مش شايف اسمى فى البوست بتاعك.!!!!!!!....انا اتولدت فى ولاية نيوجيرسى بامريكا...وكتبت قصص علمية كتييير...وكمان كتبت كتاب (القصة الذرية) سنة 1949 ...وده احسن كتاب وضح وفسر القنبلة الذرية وفايدتها لينا كامريكان...وبعدين مت وحطونى فى المقبرة ديت سنة 1971..ونايم من ساعتها هنا لحد ما سعتك شرفت هنا وصحتنى...
@بتاع علوم:ايوه عرفتك...انا قراتلك مقال قديم كنت بتحث الناس على انهم يطلعوا القمر...وبتقولهم ان الوصول للقمر اسهل ما يمكن...ممكن والنبى تقوله تانى..بعدين اسيبك تنام براحتك تانى
#جون كامبل:يا جماعة احنا ممكن نطلع القمر والله...بس لو نركز شوية..وايه المشكلة دلوقتى..ده كل حاجة بقت ممكنة...محرك سفينة الفضاء موجود..لانه هيبقى نفس المحرك اللى بنستخدمه فى F2
@بتاع علوم: بس انت محتاج هيكل محكم الاغلاق...يمنع تسرب الهواء داخل او خارج سفينة الفضاء !!!!!!!!!!!!!!!!
#جون كامبل: الهيكل موجود وبنستخدمه فى طائرة "بوينج" اللى بتعبر الطبقات العليا فى الجو...وكمان موجود فى الطابرات النفاثة...وكمان ملابس الفضاء موجودة...ده الجيش عمل ملابس تستحمل الضغوط العالية ..مش هيعرف يعمل ملابس فضاء!!!!!!!!
@بتاع علوم: والهواء داخل سفينة الفضاء هتجيبه منين؟؟؟؟
#جون كامبل: يا عم بسيطة...هنحط شوية هوا من اللى فى الجو داخل السفينة...وعشان الاكسجين هيخلص وهتزيد نسبة CO2 نتيجة لعملية تنفس رواد الفضاء...هنقوم بزراعة نباتات جوه سفينة الفضاء وهتنموا فى ضوء صناعى..وبالتالى النباتات هتعمل توازن لنسبة CO2 , O2 داخل السفينة...لانها هتاخد نسبة CO2 الزيادة فى عملية البناء الضوئى..وهتطرد O2 لتعوض المفقود فى عملية التنفس
وعلى فكرة السفر للقمر هيستغرق عدة ايام...عشان كده هنستخدم هواء مضغوط فى خزانات
@بتاع علوم: طب وقوة الدفع؟؟؟؟
#جون كامبل:هنستخدم قوة دفع ذرية..وعلى فكرة البحرية الامريكية شغالة دلوقتى فى الموضوع دوت...واستخدموا قوة الدفع الذرية ديت فى بناء الغواصات..اه امال ايه
@بتاع علوم:بس ممكن سفينة الفضاء تخبط فى اى شهاب ولا حاجة وهيه ماشية فى الفضاء ...هتعملوا ايه ساعتها
#جون كامبل: يا عم فكك...ده كلام فارغ....مهو كل يوم بيسقط على الارض ملايين الشهب..لكنها صغيرة جدااا...لدرجة انك ممكن تحط مائة منهم فى كف ايديك...وكمان يا حبيب قلبى الارض عاملة زى مكنسة الكهربا...اللى بتشفط التراب من على السجادة...لان الارض بتنظف الفضاء اللى حواليها عن طريق سحب كل العوالق اللى فيه..لان جاذبية الارض كبيرة بتصل الى ملايين الكيلومترات وبالتالى تمتص الشهب الى سطح الارض...فالارض بتكنس مساحة من الفضاء طولها مليون كيلومتر فى كل يوم...وبكده تجتذب ملايين الشهب اللى ممكن تبقى موجودة فى المساحة الهائلة ديت من الجو
@بتاع علوم:تمام..واحنا عشان نروح للقمر هنقطع مسافة مقدارها تقريبا نصف مليون كيلومتر بس..وبكده يبقى مفيش احتمال ان احنا نصادف اى شهاب فى طريقنا..ولو صادفنا هيبقى صغير جداا اد حبة الرمل كده...مش انت قصدك كده يرده
#جون كامبل:وعلى فكره هما طلعوا القمر قبل ما انا اموت بسنتين...عشان تعرف يعنى انى مكنتش بهقص
@بتاع علوم:بس انت قديم اوى اوى اوى اوى...يا عم ده الناس دلوقتى بتدور على ميه فى المريخ...ارجع نام يا عم..بس قبل ما ترجع..ممكن تقولى الاقى فين (جابر ابن حيان)
#جون كامبل:متشوف كده فى الناس الكتير اللى نايمة جنبى ديت...روح صحيهم اكيد هتلاقيه واحد منهم....بس اياك تيجى تصحينى تانى
Print This Post

No comments:

Post a Comment

Follow by Email

My Blog List