كنا فى مركز سوزان مبارك...الجزء الثانى

(كنا فى مركز سوزان مبارك___قسم العلوم)...(الحلقة الثانية)
#المخرجة:
الحلقة الثانية
3.................2...................1.............action
#هارلان استاتسون: ادينى صحيت يا سيدى.....عاوز ايه؟؟؟
@بتاع علوم: ارغى يا خال...الاستاذ امريكى برده ...مش كده؟؟؟؟؟
#هارلان:امريكى وحياتك..حصلت على الدكتوراه فى 1915..وكنت مدير مرصد...وعملت معمل للبحوث الكونية والارضية..والفت حتة دين كتب مالهاش حل...اهمها كان كتاب(sunspots and their effects )...وجيت شرفت فى الحفرة ديت 1964..ومن ساعتها وانا هنا
@بتاع علوم:ممكن بقى تلخصلى كتاب (البقع الشمية ديت) واحنا واقفين كده على الماشى...وتقولى كنت بتحكى فيه فى ايه؟؟؟
#هارلان:كل واحد بيسمع الراديو عارف ان هيه موجات كهربية تسرى خلال الهوا بتنتشر من محطة الاذاعة ...وحتى لو الموجات دهيت ضعيفة عند وصولها لاجهزة الاستقبال البعيدة..الا ان هيه ممكن تكبيرها وتقويتها الى مستوى يسهل استماعه
لكن بقى اللى الناس ما تعرفهوش...ان ضوء الشمس هوه اللى بيخلى طبقات الجو العليا موصلة للكهربا بدرجة كافية لتجعل الموجات الكهربية اللى بترسلها هوائيات محطة الاذاعة تنعكس مرة تانية للارض على بعد مئات الكيلو مترات..بدلا من انتشارها وضياعها فى الفضاء
@بتاع علوم:يعنى انت قصدك..ان لولا الشمس كنا مش هنسمع الراديو..العيال بتوع communication يركزوا معانا يا جدعان...الطاقة اللى موجودة فى ضوء الشمس بتخبط فى الطبقات العليا من الجو بجزيئات الاكسجين والنيتروجين..فتشطرها الى ايونات موجبة والكترونات...عملية التاين دهيت هيه اللى بتخلينا نسمع الراديو على مسافات بعيدة !!!!!!!!!!!!!!!!!!!!!!!!!!!!!.....اشرح بقى الحوار من اوله
#هارلان:مهو عشان اشرح بالتفصيل لازم تعرف الغلاف الجوى عبارة عن ايه
@بتاع علوم:احكى يا استااااااااااااااااااااااااااااااااذ
#هارلان:اول ارتفاع من سطح الارض لحد 10 كيلومتر بنقول عليها طبقة troposphere
...من 10 لحد 50 كيلومتر بنقول عليها طبقة stratosphere ...والطبقة ديت بتحتوى جواها على طبقة الاوزون..يعنى طبقة الاوزون هتلاقيها على ارتفاع 20 كيلومتر من سطح الارض
اما بقى من 50 لحد 80 كيلومتر فديت طبقة mesosphere ....واعلى من 80 كيلومتر طبقة thermosphere

@بتاع علوم:وفين بقى ان شاء الله ال ionosphere اللى عمال تقولى ان هيحصل فيها ionization
#هارلان:هوه انا مقولتلكش...هيه بتمتد من 60 كيلومتر الى 700 كيلومتر..يعنى واخده شوية من طبقة mesosphere ..وشوية من طبقة thermosphere ..وطبقة ال ionosphere دهيت بيبقى الهواء فيها متأين الى ايونات والكترونات حرة...الالكترونات الحرة دهيت بتؤثر على موجات الراديو عند ترددات معينة وتقوم تعملها bending وتلف وترجع تانى للارض.ومتخرجش للفضاء الخارجى..وبالتالى ممكن الناس تسمع الموجات دهيت على مسافة بعيدة عبر الكرة الارضية
#المخرجة:cuuuuuuuuuuuuuuuuuuuuuuuuuuuuuuuuuuuuuuuuuuuuuuut
@اناجيت:ايه يا أبلة...فيه ايه !!!!!!!!!!!!!!!...ماتدونا فرصة بقى
#المخرجة:انت ليه بتقعد ترغى وتلت وتخرج عن النص بتاع الورق...الحلقة وقتها قرب يخلص..ولسى الراجل مقلش حاجة
@اناجيت:هوه فيه اختصار اكتر من كده..ده الراجل حتى مقلش ان troposphere بيحصل فيها تناقص بمعدل ثابت فى درجة الحرارة ..كل ما بنرتفع 150 متر بتنقص درجة الحرارة واحد درجة سيلزيوس..لحد ما تخلص الطبقة ديت عند 10 كيلومتر حيث تكون درجة الحرارة سالب 50 درجة....بعد كده تبدا درجة الحرارة تزيد تانى
#المخرجة:انت هترغى معايا انا كمان..حد قالك انا عاوزه اعرف ...يلا عشان تكمل
@انا جيت:وعلى فكرة كثافة الهوا بتقل كل ما بنطلع فوق..لحد ما تكاد تكون معدومة خالص فى نهاية الغلاف الجوى...اه امال ايه
#المخرجة:
3........2.............1.............action
@بتاع علوم:ارغى يا خال...جبتلنا الكلام...بس اياك تنجز...فكك من الولية اللى عامله فيها مخرجة ديت
#هارلان:معظم ال ionization بيحصل بواسطة الاشعاع بتاع الشمس اللى فى صورة uv ...وعند ارتفاع عالى بتبقى كثافة الهوا قليلة جداا...يكاد لا توجد جزيئات..فعند هذا الارتفاع نسبة قليلة اوى من ionization بتحصل ...لكن كل ما اشعة الشمس تخترق الغلاف الجوى وتنزل شوية كل ما تزيد كثافة الهوا وبالتالى عدد الجزيئات اللى هتتأين هتزيد...لكن كل ما الجزيئات بتتأين طاقة ال radiation هتبدأتقل..وبالتالى حتى لو الكثافة بتاعة الهوا عالية خالص تحت بالقرب من سطح الارض الا ان ال radiation بتيقى طاقته خلاص قلت خالص ومعندهاش القدرة ان هيه تأين الهوا اللى بالقرب من الارض
@بتاع علوم:ايوه..قلتلى بقى...عشان كده الionosphere بيبقى اخرها على ارتفاع 60 كيلومتر ..ومش بتنزل لارتفاع اوطى من كده...لانه بيبقى طاقة ال radiation بتاعة الشمس قلت خالص ومعندهاش المقدرة ان هيه تعمل ionization لجزيئات الهوا
#هارلان: عليك نووووووووووووور
#المخرجة:cuuuuuuuuuuuuuuuuuuut
@بتاع علوم: هيه شغلانة بقى ولا ايه...هوه كل ما نقول كلمتين تقوليلى cut ..هوه لو جيه مشهد بوس هتقعد برده تقوليلى كده...ساعتها مش هعرف اركز
#المخرجة:بوس ايه يا (.....)..ده مسلسل محترم..مفهوش الحاجات ديت خالص
@بتاع علوم:طيب يلا بقى عشان نرجع نكمل...
#المخرجة:لا ..الحلقة خلصت....وكمان بوستك اتملى....نكمل بقى بكره ان شاء الله
#بتاع علوم:والراجل اللى قومناه من النوم...هنسيبه صاحى لحد بكره

Print This Post