الحوار مع صاحب شركة كونكورد

قالى قيس العسر بتاع مية الحنفيه
قسته..(200 ppm)
قالى قيس عسر مية الفلتر
قسته...طلع صغير جداااااا(اقل من 5 ppm)..يعنى مية الفلتر مفهاش املاح كالسيوم ..ولا ماغنيسيوم
قالى : شوفت بقى ...عشان تعرف انى مش بخدع الناس
قلتله: المية بتاعة الفلتر هغسل بيها ولا هشربها
قالى: هتشربها...قلتله طيب..يبقى انا مش محتاج ميه تخلى الصابون يرغى بسرعة ..انا محتاج ميه فيها كالسيوم يفيد جسمى ..وفى الحدود المعقوله اللى وزارة الصحة حطاها بحيث ما توصلش:200 ppm للكالسيوم ..ولا 150 ppm للمغنيسيوم..وهى الحمد لله ما وصلتش لده خالص
وزى ما فى ابحاث بتقول ان المناطق اللى فيها ميه عسرة (لو افترضنا ان مية الحنفية عسرة)فيها اصابات اكتر بالسكتات القلبية والحصوات البولية...فيه ابحاث تانية بتقول ان المية منزوعة المعادن (زى مية الفلتر)لها تاثير مباشر على الغشاء المخاطى بتاع المعدة..وبتدر البول وبالتالى بتقلل نسبة الصوديوم والكلورين فى الجسم ..وده يجيب تشنجات...و بيحصل تشنجات لمتسلقى الجليد اللى بيستخدمه الثلج المنصهر(وهو منزوع المعادن) فى الشرب..
..ولا المغنسيوم اللى بيساعد على اكتر من 300 تفاعل انزيمى..الخ..والنقص فى المغنيسيوم بيسبب امراض القلب...واضطرابات الحمل
اما بقى نقص العناصر الازمة للجسم ..واللى هتسبب امراض لا حصر لها
ولو استخدمت المية الناعمة فى الطبيخ هتتخلص من كل العناصر الضرورية فى الطعام ...على خلاف المية العسرة هتحافط عليها
والاعظم بقى ان الميه منزوعة المعادن ديت لها القدرة على انها تمتز الكائنات العضوية من المواسير وتنكات التخزين
وكمان الكالسيوم هو مضاد للمواد السامة..يعنى هيمنع امتصاص الدم للمواد السامة من المعدة (زى المعادن الثقيلة كده)
شوفت بقى....راح سكت

Print This Post